កាលទាន
━━✥◈✥━━
នាវារភត្តថ្ងៃត្រង់ ថ្ងៃគម្រប់ទី០៨ នៃការបើកវគ្គបដិបត្តិធុតង្គ ថ្ងៃអង្គារ៍ ១ រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៧ ខែមីនា ឆ្នំា២០២៣នេះ៖
- មហាឧបាសកពុទ្ធសាសនូបត្ថម្ភក៍ មាស ខេង មហាឧបាសិកាពុទ្ធសាសនូបត្ថម្ភក៍ មួរ វួច ព្រមទាំងកូនចៅ
- មហាឧបាសិកាពុទ្ធសាសនូបត្ថម្ភក៍ សុខ គាង និងស្វាមី ព្រមទាំងបុត្រ
- រួមជាមួយពុទ្ធបរិស័ទ និងសហការីក្រុមញាតិ បានទទួលកាន់វេនប្រគេន-ជូន ទេយ្យទាន ភេសជ្ជៈ និងចង្ហាន់បិណ្ឌបាតដ៏ថ្លៃថ្លាដល់សិក្ខាកាមយោគីបដិបត្តិធុតង្គ ចំនួន ៨៥០ អង្គ/នាក់ ។ នៅក្នុងបិដកភាគ ៤៤ ទំព័រ ៨១ ត្រង់កាលទាន មានសេចក្តីជាអាទិ៍ថា៖
ម្នាលភិក្ខុទាំងឡាយ កាលទាននេះ មាន ៥ យ៉ាង។ ៥ យ៉ាង ដូចម្តេចខ្លះ។ គឺ៖
១-ឲ្យទានដល់អ្នកមកថ្មី
២-ឲ្យទានដល់អ្នកមានដំណើរ
៣-ឲ្យទានដល់អ្នកមានជម្ងឺ
៤-ឲ្យទាន ក្នុងពេលអត់បាយ
៥-បានដំកល់ស្រូវថ្មី ផ្លែឈើដំបូង ដល់បុគ្គលមានសីលទាំងឡាយជាដំបូង ។
ដោយតេជៈនៃការបូជាប្រគេន-ជូនភត្តបិណ្ឌបាត និងភេសជ្ជទាន ដ៏ប្រណីតប្រពៃថ្លៃថ្លានេះ សូមសម្រេចបុណ្យកុសលដល់បុព្វការីជនមាន៖ មាតាបិតា ព្រមទាំងញាតិក្នុងសង្សារវដ្ត បានរួចចាកវដ្តទុក្ខ និងមហាឧបាសក មហាឧបាសិកា ព្រមទាំងកូនចៅ និងសហការីក្រុមញាតិ រួមជាមួយពុទ្ធបរិស័ទ ដែលចូលរួមឧបត្ថម្ភ នាថ្ងៃគម្រប់ទី០៨ វគ្គបដិបត្តិធុតង្គនេះ សូមមានសុខភាពល្អ ទទួលបាននូវមង្គលពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។ សូមអនុមោទនា !
