សារលិខិតប្រគេនព្រះពរ
━━━━━━━━━✥◈✥━━━━━━━━━
ក្នុងឱកាសប្រកបដោយមហានក្ខត្តប្ញក្ស នៃពិធីបុណ្យចូលឆ្នាំថ្មី
ប្រពៃណីជាតិខ្មែរ ឆ្នាំថោះ បញ្ចស័ក ព.ស.២៥៦៦ គ.ស.២០២៣
ខ្ញុំព្រះករុណា យើងខ្ញុំទាំងអស់គ្នា ព្រះសង្ឃ អគ្គមហាឧបាសិកាពុទ្ធសាសនូបត្ថម្ភក៍ មហាសទ្ធម្មជោតិកធជៈ សីលវន្ត និងសីលវតី ជាសិស្សគណ គង់ស្នាក់នៅសិក្សាទ្រទ្រង់ ផ្សព្វផ្សាយ បដិបត្តិព្រះធម៌វិន័យ ផ្នែកវិបស្សនាធុរៈ ពុទ្ធមណ្ឌលពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា សូមបួងសួងគុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិក្នុងលោក និងទេវតាឆ្នាំថ្មី ព្រះនាមកិមិរាទេវី សូមប្រោះព្រំ ព្រះសព្ទសាធុការពរ សិរីសួស្តី ជ័យមង្គល វិបុលសុខ បវរមហាប្រសើរថ្លៃថ្លា ប្រគេនចំពោះ ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ព្រះរាជាគណៈថ្នាក់ទោ គណៈមហានិកាយ សមាជិកថេរសភាសង្ឃជាន់ខ្ពស់ នៃព្រះពុទ្ធសាសនាកម្ពុជា និងជាប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា មានព្រះបញ្ញាញាណវាងវៃ ព្រះកាយពលមាំមួន ព្រះសុខភាពល្អ ព្រះជន្មាយុយឺនយូរ ដើម្បីគង់ជាម្លប់បន្តដឹកនាំបដិបត្តិព្រះពុទ្ធសាសនា ផ្នែកវិបស្សនាធុរៈ ឲ្យមានសុខដុមនីយកម្មសាសនា និងទទួលបាននូវពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
ពុទ្ធមណ្ឌល,ថ្ងៃពុធ ៧ រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១២ ខែមេសា ឆ្នាំ២០២៣
