នាព្រឹកថ្ងៃព្រហស្បតិ៍ ១៥ កើត ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣១ ខែសីហា ឆ្នាំ២០២៣ នេះ÷
មហាឧបាសកពុទ្ធសាសនូបត្ថម្ភក៍ ពុធ សាមឿន ព្រមទាំងក្រុមញាតិព្រះធម៌ នៅផ្សារឧដុង្គ រួមជាមួយឧបាសក ឧបាសិកា និងពុទ្ធបរិស័ទជិតឆ្ងាយទាំងអស់ បានអញ្ជើញមកកាន់ពុទ្ធមណ្ឌលវិបស្សនាធុរៈ ព្រមទាំងបាននាំមកនូវចង្ហាន់បិណ្ឌបាត ទេយ្យទានជាច្រើនដើម្បីរាប់បាតប្រគេន-ជូន ព្រះសង្ឃ សីលវន្ត សីលវតី និងសិក្ខាកាមអញ្ជើញមកបដិបត្តិវិបស្សនាវគ្គខ្លីផងដែរ ។
ដោយអំណាចចេតនា តេជៈនៃបុណ្យកុសលទាំងឡាយ ដែលមហាឧបាសក ព្រមទាំងក្រុមញាតិ រួមជាមួយពុទ្ធបរិស័ទជិតឆ្ងាយ បានបំពេញអាមិសទានរៀងរាល់ចុងខែ ដែលដាច់ថ្ងៃទី៣១ ក្នុងឱកាសនេះ និងពេលកន្លងមក សូមបានប្រកបដោយសុខសួស្តីតាំងពីបច្ចុប្បន្ន ដល់បរលោកតទៅ ។
សូមអានិសង្សនៃបុណ្យនេះ ចូរកើតមានដល់មហាឧបាសក ព្រមទាំងក្រុមញាតិ រួមជាមួយពុទ្ធបរិស័ទ សមប្រកបនឹងពុទ្ធពរ ទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។ សូមអនុមោទនា ! សាធុ សាធុ សាធុ !
