សូមប្រគេន-ជូនដំណឹងកម្មវិធីបុណ្យខួបគម្រប់ឆ្នាំទី២០
ព្រះធម្មវិបស្សនា សំ ប៊ុនធឿន កេតុធម្មោ
ព្រះធម្មវិបស្សនា នៅ យី យានិកត្ថេរោ
និងលោកតាគ្រូធម្មាចារ្យ រស់ ឈុន
ខ្ញុំព្រះករុណាអាត្មាភាព ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ព្រះសង្ឃ អគ្គមហាឧបាសិកាពុទ្ធសាសនូបត្ថម្ភក៍ ព្រមទាំងបុត្រ និងចៅ ក្រុមគ្រួសារ សិស្សគណតាមមជ្ឈមណ្ឌលវិបស្សនាធុរៈរាជធានី-ខេត្ត ក្នុង និងក្រៅប្រទេស បានមូលមតិគ្នាជាឯកច្ឆន្ទ ប្រារព្ធធ្វើបុណ្យខួបគម្រប់ឆ្នាំទី២០ ព្រះធម្មវិបស្សនា សំ ប៊ុនធឿន កេតុធម្មោ ព្រះធម្មវិបស្សនា នៅ យី យានិកត្ថេរោ និងលោកតាគ្រូធម្មាចារ្យ រស់ ឈុន ។
កម្មវិធីបុណ្យ
ថ្ងៃព្រហស្បតិ៍ ៥ កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែមករា ឆ្នាំ២០២៣
- ម៉ោង ១២:០០ នាទីថ្ងៃត្រង់ ជួបជុំសិស្សគណ ក្រុមគ្រួសារ និងពុទ្ធបរិស័ទគ្រប់ទិសទី នៅ
ក្នុងពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា - កិច្ចគោរពវន្ទា
- គោរពវិញ្ញាណក្ខន្ធ និងអានវិយោគកថា
- ម៉ោង ២:០០ នាទីរសៀល នមស្ការព្រះរតនត្រ័យ ចម្រើនព្រះបរិត្ត និងសម្តែងព្រះធម៌ទេសនា
- ចម្រើនសមាធិរួមក្នុងមហារោង ។
ថ្ងៃសុក្រ ៦ កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែមករា ឆ្នាំ២០២៣ - ម៉ោង ៤:០០ នាទីទៀបភ្លឺ នមស្ការព្រះរតនត្រ័យ ចម្រើនសមាធិរួម នៅក្នុងមហារោង
- ចម្រើនសមាធិរួមក្នុងមហារោង ។
- ម៉ោង ៦:០០ នាទីព្រឹក គោចរបិណ្ឌបាត ប្រគេន-ជូនយាគូព្រះសង្ឃ សីលវន្ត និងសីលវតី
- ម៉ោង ៨:០០ នាទីព្រឹក នមស្ការថ្វាយបង្គំព្រះរតនត្រ័យ សមាទានសីល វេរភត្តាហារ និមន្តព្រះសង្ឃសូត្រសត្តប្បករណាភិធម្មបង្សុកូលដារឆ្លង ជាកិច្ចបង្ហើយបុណ្យ ។
- ម៉ោង ១០:២០ នាទីព្រឹក និមន្ត-អញ្ជើញគោចរបិណ្ឌបាត ទទួលភត្តថ្ងៃ ។
អាស្រ័យហេតុដូចបាន ទូលថ្វាយ ប្រគេន និងជូនដំណឹងខាងលើ ខ្ញុំព្រះករុណា យើងខ្ញុំសូមយាង និមន្ត អញ្ជើញ សម្ដេច ព្រះថេរានុត្ថេរៈ ឯកឧត្តម លោកឧកញ៉ា លោកជំទាវ លោក លោកស្រី សីលវន្ត សីលវតី ឧបាសក ឧបាសិកា និងពុទ្ធបរិស័ទជិតឆ្ងាយទាំងអស់ ព្រះមេត្តា-មេត្តា យាង និមន្ត និងអញ្ជើញចូលរួមបុណ្យខួបតាមកម្លាំងសទ្ធាជ្រះថ្លា ។
ទំនាក់ទំនងទូរស័ព្ទ/តេលេក្រាម៖ ០៨៦ ៨៧៧ ៧៩៣ / ០១១ ២៨១ ២២៥ / ០៩៧ ៩៨០ ៥២៨ ២
សូមអរព្រះគុណ និងអរគុណ !
