ចម្រើនពរ-ជូនចំពោះ
សម្តេចកិត្តិសង្គហបណ្ឌិត ម៉ែន សំអន
សារលិខិតអបអរសាទរ
ចម្រើនពរ-ជូនចំពោះ
សម្តេចកិត្តិសង្គហបណ្ឌិត ម៉ែន សំអន
━━━━━━✥◈✥━━━━━━
ក្នុងនាមខ្ញុំព្រះករុណា អាត្មាភាព ព្រះសាសនមុនី មហាកម្មដ្ឋានចរិយ ហ៊ឹម ប៊ុនធឿន ធម្មត្ថេរោ ព្រះរាជាគណៈថ្នាក់ទោ គណៈមហានិកាយ សមាជិកថេរសភាសង្ឃជាន់ខ្ពស់ នៃព្រះពុទ្ធសាសនាកម្ពុជា និងជាប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ព្រះសង្ឃ អគ្គមហាឧបាសិកាពុទ្ធសាសនូបត្ថម្ភក៍ មហាសទ្ធម្មជោតិកធជៈ សុខ អ៉ីម សីលវន្ត និងសីលវតី ដែលគង់ស្នាក់នៅសិក្សាបដិបត្តិព្រះធម៌វិន័យ ផ្នែកវិបស្សនាធុរៈ ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា មានសេចក្តីសោមនស្សរីករាយយ៉ាងក្រៃលែង និងសូមសម្តែងនូវអំណរសាទរ ចម្រើនពរ-ជូនចំពោះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក្នុងឱកាសដែលលោកជំទាវកិត្តិសង្គហបណ្ឌិត ត្រូវបានព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាអង្គម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់ប្រោសព្រះរាជទានគោរមងារជា សម្តេចកិត្តិសង្គហបណ្ឌិត នាថ្ងៃសៅរ៍ ៣ រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹថ្ងៃទី០៨ ខែកញ្ញា ឆ្នាំ២០២៣ ។
ក្នុងឱកាសដែលសម្តេចកិត្តិសង្គហបណ្ឌិត ទទួលបានការតែងតាំងដ៏ឧត្តុងឧត្តមនេះ គឺជាមហាកិត្តិយសដ៏ថ្លៃថ្លា និងស័ក្តិសមបំផុតចំពោះគុណបំណាច់ ដែលជានិច្ចកាល សម្តេចកិត្តិសង្គហបណ្ឌិត តែងតែបានយកអស់កម្លាំងកាយ ចិត្ត ប្រាជ្ញស្មារតី រួមចំណែកកសាងអភិវឌ្ឍន៍ទាំងវិស័យពុទ្ធចក្រ និងអាណាចក្រ និងបានលះបង់គ្រប់បែបយ៉ាង ដើម្បីមប្រើឧត្តមប្រយោជន៍ជាតិ សាសនា និងព្រះមហាក្សត្រ ។
ឆ្លៀតក្នុងឱកាសនេះ ខ្ញុំព្រះកុរណា អាត្មាភាព យើងខ្ញុំទាំងអស់គ្នា ព្រះសង្ឃ អគ្គមហាឧបាសិកា មហាសទ្ធម្មជោតិកធជៈ សីលវន្ត និងសីលវតី សូមប្រសិទ្ធពរជ័យជូន សម្តេចកិត្តិសង្គហបណ្ឌិត មានសុខភាពល្អ សមប្រកបពុទ្ធពរ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ។
ពុទ្ធមណ្ឌល,ថ្ងៃសៅរ៍ ៤ រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹថ្ងៃទី០៩ ខែមេសា ឆ្នាំ២០២៣
