នាឱកាសចូលឆ្នាំថ្មី ឆ្នាំសកល គ.ស.២០២៣ ខិតជិតមកដល់នៅថ្ងៃអាទិត្យ ១០ កើត ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០១ ខែមករា ឆ្នាំ២០២៣ ខាងមុខនេះ ៖
ខ្ញុំព្រះករុណា យើងខ្ញុំទាំងអស់គ្នា ជាសិស្សគណ ដែលគង់ស្នាក់នៅសិក្សាបដិបត្តិ ទ្រទ្រង់ ផ្សព្វផ្សាយ ព្រះធម៌វិន័យ ផ្នែកវិបស្សនាធុរៈ ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ស្ថិតនៅខាងលិចជើងភ្នំអដ្ឋរស្ស (ភ្នំព្រះរាជទ្រព្យ) ឃុំផ្សារដែក ស្រុកពញាឮ ខេត្តកណ្តាល សូមបួងសួងគុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិក្នុងលោក និងទេវតាឆ្នាំថ្មី សូមប្រោះព្រំ ព្រះសព្ទសាធុការពរ សិរីសួស្តី ជ័យមង្គល វិបុលសុខ បវរមហាប្រសើរថ្លៃថ្លា ប្រគេនចំពោះ ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ព្រះរាជាគណៈថ្នាក់ទោ គណៈមហានិកាយ សមាជិកថេរសភាសង្ឃជាន់ខ្ពស់ នៃព្រះពុទ្ធសាសនាកម្ពុជា និងជាប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា មានព្រះបញ្ញាញាណវាងវៃ ព្រះកាយពលមាំមួន ព្រះសុខភាពល្អ ព្រះជន្មាយុយឺនយូរ ដើម្បីគង់ជាម្លប់ ដឹកនាំព្រះពុទ្ធសាសនា ផ្នែកវិបស្សនាធុរៈឲ្យមានសុខដុមនីយកម្មសាសនា និងទទួលបាននូវមង្គលពរទាំងឡាយ ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
សូមប្រគេនព្រះពរពី ព្រះសង្ឃ អគ្គមហាឧបាសិកា មហាសទ្ធម្មជោតិកធជៈ សីលវន្ត សីលវតី ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា
www.bvdcc.org
