សាររំលែកមរណទុក្ខ
━━━━✥◈✥━━━━
សូមប្រគេន និងជូនចំពោះ
សម្តេចព្រះឧត្តមចរិយាបណ្ឌិត ឈឹង ប៊ុនឈា អនុប្រធានថេរសភា
សង្ឃជាន់ខ្ពស់ នៃព្រះពុទ្ធសាសនាកម្ពុជា ព្រមទាំងក្រុមគ្រួសារ នៃសព !
ខ្ញុំព្រះករុណា អាត្មាភាព ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ព្រះរាជាគណៈថ្នាក់ទោ គណៈមហានិកាយ សមាជិកថេរសភាសង្ឃជាន់ខ្ពស់ នៃព្រះពុទ្ធសាសនាកម្ពុជា និងជាប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ព្រះសង្ឃ អគ្គមហាឧបាសិកាពុទ្ធសាសនូបត្ថម្ភក៍ មហាសទ្ធម្មជោតិកធជៈ សុខ អ៉ីម សីលវន្ត និងសីលវតីគ្រប់រូប មានក្តីសង្វេគក្នុងចិត្តយ៉ាងក្រៃពេក ដោយបានទទួលដំណឹងថាៈ មហាឧបា-សិកាពុទ្ធសាសនូបត្ថម្ភក៍ ជឹម សៀត បានទទួលមរណភាព នាថ្ងៃសៅរ៍ ១២ រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៨ ខែមីនា ឆ្នំា២០២៣ វេលាម៉ោង ១១: ២៩ នាទីព្រឹក ក្នុងជន្មាយុ ៧២ ឆ្នាំ ដោយរោគាពាធ ។
ខ្ញុំព្រះករុណា អាត្មាភាព សូមផ្សាយនូវមហាកុសលទាំងឡាយចំពោះវិបាកបដិសន្ធិវិញ្ញាណ នៃសព មហាឧបាសិកាពុទ្ធសាសនូបត្ថម្ភក៍ ជឹម សៀត សូមបានទៅបដិសន្ធិក្នុងសុគតិភពសួគ៌ទេវលោក និងទីបំផុតនៃជាតិ សូមបានដល់នូវព្រះនិព្វាន ។
ពុទ្ធមណ្ឌល,ថ្ងៃសៅរ៍ ១២ រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៨ ខែមីនា ឆ្នាំ២០២៣
