វេរភត្តាហារ និងរាប់បាតប្រគេនព្រះសង្ឃ វេនកាន់បិណ្ឌទី៧

————————————————————

នាវេលាព្រឹកថ្ងៃសៅរ៍ ៧ រោច ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ១៧ ខែកញ្ញា ឆ្នាំ២០២២

ឯកឧត្តម លោកជំទាវ លោក លោកស្រី ធម្មាចារ្យ ធម្មាចារិនី សីលវតី ឧបាសក និងឧបាសិកា ដែលជាម្ចាស់វេនទទួលកាន់បិណ្ឌទី៧ វេរភត្តាហារ និងរាប់បាត ប្រគេន-ជូន ព្រះសង្ឃ សីលវន្ត និងសីលវតី ។

ដោយតេជានុភាពអាមិសទាន នៃពិធីបុណ្យកាន់បិណ្ឌ ភ្ជុំបិណ្ឌ ជាបុណ្យប្រពៃណីព្រះពុទ្ធសាសនារបស់ពុទ្ធសាសនិកជនខ្មែរគ្រប់រូប ។ ពិធីបុណ្យនេះ សម្រាប់ធ្វើឡើងដើម្បីឧទ្ទិសកុសលជូនវិញ្ញាណក្ខន្ធ នៃអ្នកមានគុណទាំងឡាយមាន៖ មាតាបិតា ជីដូនជីតា គ្រូឧបជ្ឈាយាចារ្យ បុព្វបុរសជាតិ និងបងប្អូនជនរួមជាតិទាំងឡាយ ដែលបានលាចាកលោកនេះ ទៅកាន់លោកខាងមុខ ។ ម្យ៉ាងទៀងជាឱកាស ដ៏ល្អសម្រាប់ជួបជុំឪពុកម្តាយ បងប្អូន ញាតិមិត្ត សាច់សាលោហិតដែលរស់នៅទីជិតឆ្ងាយ អាចឈ្វេងយល់បានពីសុខទុក្ខគ្នាទៅវិញទៅមក ព្រមទាំងអាចបង្កើននូវសាមគ្គីធម៌ដ៏ទូលំទូលាយផងដែរ ។

ដូចវេលាក្នុងឱកាសនេះ សាមីដើមទានប្រធានដើមបុណ្យ ក៏បានជួបជុំគ្នាទទួល កាន់វេនប្រគេន-ជូនភត្តបិណ្ឌបាត ជាវេនប្រចាំឆ្នាំ រៀងរាល់ឆ្នាំ ដោយតេជៈនៃបុណ្យ នេះ សូមសម្រេចបុណ្យកុសលដល់បុព្វការីជនទាំងឡាយរបស់ឯកឧត្តម លោកជំទាវ លោក លោកស្រី ធម្មាចារ្យ ធម្មាចារិនី សីលវតី ឧបាសក និងឧបាសិកា គ្រប់រូបបានទៅចុតិបដិសន្ធិក្នុងទីស្ថានបរមសុខមានសួគ៌ទេវលោកជាដើម ។

ថ្វាយ-ប្រគេន-ជូនបុណ្យម្ចាស់សាមីទាន និងធម្មមិត្តគ្រប់រូប ! អនុមោទនា !