កុលបុត្រ និងឧបសម្បទា ដែលនឹងប្រព្រឹត្តទៅនាព្រឹកថ្ងៃស្អែកនេះ
━━━━━━✥◈✥━━━━━━
នាសៀល,ថ្ងៃអង្គារ ៧ កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៤ ខែឧសភា ឆ្នាំ២០២៤នេះ៖
នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា បានជួបជុំមាតាបិតាកុលបុត្រ សីលវន្ត សីលវតី និងពុទ្ធបរិស័ទ និមន្តព្រះសង្ឃសូត្រមន្តចម្រើនព្រះបរិត្ត និងស្តាប់ធម្មីកថា ពិធីបំបួសកុលបុត្រ និងឧបសម្បទា តាមគន្លងទំនៀមទម្លាប់ប្រពៃណីជាតិខ្មែរ ដែលនឹងប្រព្រឹត្តទៅនាវេលាព្រឹកថ្ងៃស្អែក នៅលើព្រះវិហារ ។
ដោយគុណានុភាពនៃកុសលចេតនាជ្រះថ្លាក្នុងគុណព្រះរតនត្រ័យ ដែលមាតាបិតាបានអនុញ្ញាតឲ្យកុលបុត្តបួស និងឧបសម្បទា ក្នុងសំណាក់ព្រះពុទ្ធសាសនា បានសិក្សាប្រណិប័តន៍ត្រៃសិក្ខា សីល សមាធិ បញ្ញា ទ្រទ្រង់ ផ្សព្វផ្សាយ ព្រះធម៌វិន័យ ព្រះពុទ្ធជិនស្រី ដោយចិត្តជ្រះថ្លាដ៏ល្អបរិសុទ្ធ សូមសព្វសត្វទាំងឡាយ ទាំងមនុស្ស អមនុស្ស បានសេចក្តីសុខ ប្រាសចាករោគ សូមបានបរិបូណ៌ដោយ៖ អាយុ វណ្ណៈ សុខៈ ពលៈ និងបានជាឧបនិស្ស័យនៃបញ្ញា មានសម្មាទិដ្ឋិ រួចផុតពីទុក្ខទាំងពួង ៕
