ពិធីសូត្រមន្តចម្រើនព្រះបរិត្តភត្តអាយុវឌ្ឍនមង្គល និងរាប់បាត
━━━━━━✥◈✥━━━━━━
នាព្រឹកថ្ងៃច័ន្ទ ៥ រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែមេសា ឆ្នាំ២០២៣នេះ៖
– មហាឧបាសកពុទ្ធសាសនូបត្ថម្ភក៍ អ៉ឹង ម៉េងឡាយ
– មហាឧបាសិកាពុទ្ធសាសនូបត្ថម្ភក៍ វ៉ាន់ ស៊ីវ
– ព្រមទាំងបុត្រ និងបងប្អូនក្រុមញាតិ-កូនក្មួយ
បានស្រុះស្រួលមូលមតិគ្នានិមន្តព្រះសង្ឃមាន ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជាជាអធិបតីសង្ឃ សូត្រមន្តចម្រើនព្រះបរិត្តភត្តអាយុវឌ្ឍនមង្គល មុនពិធីបុណ្យចូលឆ្នាំប្រពៃណីជាតិខ្មែរ ដែលនឹងខិតជិតមកដល់ដើម្បីចម្រើនសិរីសួស្តីជ័យមង្គល អបអរសាទរ នាឱកាសឆ្នាំថ្មី និងបាននាំមកនូវទេយ្យទាន និងចង្ហាន់បិណ្ឌបាតជាច្រើនសម្រាប់វេរប្រគេនភត្តទក្ខិណាទាន បង្សុកូល និងរាប់បាត ដើម្បីឧទ្ទិសផ្សាយកុសលជូន៖ ឧបាសក អ៉ឹង យន់ ឧបាសិកា ថ្លាង ឆាយ ឧបាសក វណ្ណ ប៉ាវ ឧបាសិកា សុខ ភាព ព្រមទាំងញាតិក្នុងសង្សារវដ្ដ ដែលបានច្យុតិទៅកាន់បរលោក ជាទំនៀមទម្លាប់ជារៀងរាល់ឆ្នាំ មុនការប្រារព្ធពិធីបុណ្យចូលឆ្នាំថ្មី ជាប្រពៃណីជាតិរបស់ខេមរជន តាំងពីបុរាណរៀងមក រហូតមកដល់បច្ចុប្បន្ននេះ ។
ដោយតេជានុភាព នៃបរិត្តសូត្រ និងធម្មទាន ដែលមហាឧបាសក មហាឧបាសិកា ព្រមទាំងបុត្រ និងបងប្អូន កូនក្មួយ ក្រុមញាតិទាំងអស់បានបំពេញក្នុងឱកាសនេះ នឹងបានបំពេញបុណ្យកុសលមកជារឿយៗមិនដែលខាន នៅពុទ្ធមណ្ឌលវិបស្សនាធុរៈ និងតាមបណ្តាទីអារាមផ្សេងៗ ដើម្បីឧទ្ទិសផ្សាយទក្ខិណាទានចំពោះបុព្វការីជនទាំងឡាយមានជាអាទិ៍ ឧបាសក អ៉ឹង យន់ ឧបាសិកា ថ្លាង ឆាយ ឧបាសក វណ្ណ ប៉ាវ ឧបាសិកា សុខ ភាព ព្រមទាំងញាតិក្នុងសង្សារវដ្ដ សូមត្រេកអរជ្រះថ្លា អនុមោទនានូវទក្ខិណាទានដ៏ប្រសើរប្រណីតថ្លៃថ្លានេះ សូមបានដល់នូវទីឋានបរមសុខសួគ៌ និងនិព្វានកុំបីខានឡើយ ។
សូមថ្វាយ-ប្រគេន-ជូនបុណ្យដល់សាធុសប្បុរសទាន និងធម្មមិត្តគ្រប់រូប ព្រមទាំងសព្វសត្វទាំងអស់ សូមអនុមោទនាបុណ្យ ។
![](https://bvdcc.org/wp-content/uploads/2023/04/340472805_5899387743444425_7798611103715292703_n-1024x683.jpg)
![](https://bvdcc.org/wp-content/uploads/2023/04/340497184_920044172533619_5327443632642445136_n-1024x683.jpg)
![](https://bvdcc.org/wp-content/uploads/2023/04/340499443_139898405711786_200540683625517733_n-1024x683.jpg)
![](https://bvdcc.org/wp-content/uploads/2023/04/340499849_722821339630604_5687497289825225634_n-1024x683.jpg)
![](https://bvdcc.org/wp-content/uploads/2023/04/340510088_567721995454884_1985299928026431300_n-1024x683.jpg)
![](https://bvdcc.org/wp-content/uploads/2023/04/340549604_135884209452466_7745883742186535722_n-1024x683.jpg)
![](https://bvdcc.org/wp-content/uploads/2023/04/340557518_1594287091091517_4375497910075884036_n-1024x683.jpg)
![](https://bvdcc.org/wp-content/uploads/2023/04/340622858_1890286831328971_5138039139218015893_n-1024x683.jpg)
![](https://bvdcc.org/wp-content/uploads/2023/04/340657351_569540065356402_7054983094109010487_n-1024x683.jpg)
![](https://bvdcc.org/wp-content/uploads/2023/04/340694080_582198000531968_5370582907681457895_n-1024x683.jpg)
![](https://bvdcc.org/wp-content/uploads/2023/04/340743499_623142699855850_5694178236403901991_n-1024x683.jpg)
![](https://bvdcc.org/wp-content/uploads/2023/04/340765763_215162084469575_3591640915943906809_n-1024x683.jpg)
![](https://bvdcc.org/wp-content/uploads/2023/04/340778818_683456120136378_156826270392393061_n-1024x683.jpg)