នាព្រឹកថ្ងៃច័ន្ទ ៥ កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែវិច្ឆិកា ឆ្នាំ២០២២
នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា មានប្រារព្ធពិធីទក្ខិណានុប្បទាន គម្រប់ខួប ៧ ថ្ងៃ ដើម្បីឧទ្ទិសកុសលជូន៖ ព្រឹទ្ធមហាឧបាសកពុទ្ធសាសនូបត្ថម្ភក៍ រ័ត្ន សារឿន ដែលបានទទួលមរណភាព កាលពីថ្ងៃអាទិត្យ ១២ រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែវិច្ឆិកា ឆ្នំា២០២២នេះ ។
នៅក្នុងពិធីបុណ្យទក្ខិណានុប្បទានគម្រប់ខួប ៧ ថ្ងៃ វេរភត្តាហារ បង្សុកូល បត្តានុមោទនា បត្តិទានគាថា និងរាប់បាត ដ៏ប្រពៃថ្លៃថ្លានេះ មានព្រះវត្តមាន និងវត្តមាន និមន្ត-អញ្ជើញចូលរួមពី៖
– ព្រះសាសនមុនី មហាកម្មដ្ឋានាចរិយ ហ៊ឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា
- ព្រះរាជាគណៈ ព្រះមន្ត្រីសង្ឃ និងព្រះថេរានុត្ថេរៈ
- អគ្គមហាឧបាសិកាពុទ្ធសាសនូបត្ថម្ភក៍ មហាសទ្ធម្មជោតិកធជៈ សុខ អ៉ីម
- ក្រុមគ្រួសារបងប្អូន-កូនចៅ មហាឧបាសិកាពុទ្ធសាសនូបត្ថម្ភក៍ ប៉ុង សុខុន និងក្រុមញាតិទាំងអស់ ក៏បានអញ្ជើញចូលរួមកម្មវិធីបុណ្យនេះផងដែរ ប្រកបដោយបីតិសោមនស្សភាពជ្រះថ្លារីករាយ ។
ដោយអានុភាព នៃអាមិសទាន និងធម្មទាន សូមផ្សាយនូវមហាកុសល ឧទ្ទិសជូនដល់វិបាកបដិសន្ធិវិញ្ញាណ ព្រឹទ្ធមហាឧបាសកពុទ្ធសាសនូបត្ថម្ភក៍ រ័ត្ន សារឿន ក្រុមគ្រួសារបងប្អូន-កូនចៅ និងក្រុមញាតិ បានបំពេញទក្ខិណានុប្បទាន សូមបានទៅកាន់សុគតិភពសួគ៌ទេវលោក និងទីបំផុតនៃជាតិ សូមបានដល់នូវព្រះនិព្វាន ។
ថ្វាយ-ប្រគេន-ជូនបុណ្យធម្មមិត្តគ្រប់រូប ! អនុមោទនា !
![](https://bvdcc.org/wp-content/uploads/2022/11/316801757_452467153738196_3476988041996852190_n.jpg)
![](https://bvdcc.org/wp-content/uploads/2022/11/317371238_452467043738207_2948926566551847838_n.jpg)
![](https://bvdcc.org/wp-content/uploads/2022/11/317383799_452467080404870_4636687584485395784_n.jpg)
![](https://bvdcc.org/wp-content/uploads/2022/11/317415590_452468557071389_4727040967678923247_n.jpg)
![](https://bvdcc.org/wp-content/uploads/2022/11/317479788_452467113738200_7211452724234590548_n.jpg)
![](https://bvdcc.org/wp-content/uploads/2022/11/317481869_452467013738210_6109348056509988605_n.jpg)
![](https://bvdcc.org/wp-content/uploads/2022/11/317486673_452466933738218_6059446724357924652_n.jpg)
![](https://bvdcc.org/wp-content/uploads/2022/11/317512899_452466977071547_6326042777544445624_n.jpg)