នាវេលាព្រឹកថ្ងៃសុក្រ ១០ កើត ខែពិសាខ ឆ្នាំរោង ឆស័ក ព.ស.២៥៦៥ ត្រូវនឹងថ្ងៃទី១៧ ខែឧសភា ឆ្នាំ២០២៤នេះ
នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ញាតិញោមពុទ្ធបរិស័ទបាននាំមកនូវទេយ្យទាន ចង្ហាន់បិណ្ឌបាត និងទុកដាក់ចាត់ចែងតម្លៃបច្ច័យ ៤ ផ្គត់ផ្គង់ចង្ហាន់បិណ្ឌបាត វិសាខបូជា និងកសាងសេនាសនទាន ប្រគេនដល់
ព្រះសាសនមុនី មហាកម្មដ្ឋានាចរិយ ហុឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈនៃព្រះរាជាណាចក្រកម្ពុជា និងរាប់បាតប្រគេន-ជូន ព្រះសង្ឃ សីលវន្ត និងសីលវតី ដើម្បីជួយសម្រួលក្នុងជីវភាពរស់នៅប្រចាំថ្ងៃ!
ចំពោះទេយ្យទាន និងចង្ហាន់បិណ្ឌបាត ដែលបានប្រគេន-ជូនខាងលើនេះ គឺជាទឹកចិត្តសទ្ធាដ៏សប្បុរសរបស់ញាតិញោមពុទ្ធបរិស័ទជិតឆ្ងាយ បានឧបត្ថម្ភទេយ្យទាន និងចង្ហាន់ប្រគេន-ជូន ព្រះសង្ឃ សីលវន្ត និងសីលវតី ដែលគង់ស្នាក់នៅសិក្សាបដិបត្តិព្រះធម៌វិន័យ ផ្នែកវិបស្សនាធុរៈ!
ដោយតេជៈនៃព្រះរតនត្រ័យ និងតេជៈព្រះបរមសារីរិកធាតុ នៃព្រះសម្មាសម្ពុទ្ធ ព្រះបរមសារីរិកធាតុ និងការឧបត្ថម្ភនិច្ចភត្តប្រគេន-ជូន ព្រះសង្ឃ សីលវន្ត សីលវតីនេះ សូមជូនពរ ញាតិញោមពុទ្ធបរិស័ទ សុខចម្រើន មានលាភ មានតេជៈ សិរីសួស្តី រស់នៅជាសុខ ទទួលបាននូវមង្គលពរទាំង ៤ សម្បត្តិទាំង ៣ និងអវសានជាតិ សូមបានជាបច្ច័យរួចចាកទុក្ខទាំងពួង !
ថ្វាយ-ប្រគេន-ជូនបុណ្យ ម្ចាស់សាមីទាន និងធម្មមិត្តគ្រប់រូប ! សាធុ សាធុ សាធុ !
