នាព្រឹកថ្ងៃពុធ ១០ កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០១ ខែមីនា ឆ្នំា២០២៣ នេះ សាធុសប្បុរសសាមីទាន បានទទួលកាន់វេនប្រគេន-ជូនភេសជ្ជៈដ៏ថ្លៃថ្លាមានរាយនាមដូចខាងក្រោម ៖
- មហាឧបាសកពុទ្ធសាសនូបត្ថម្ភក៍ ស សារិន មហាឧបាសិកាពុទ្ធសាសនូបត្ថម្ភក៍ វឿង ជាលី ព្រមទាំងបុត្រ
- សិរីករុណាភិរតន៍ មហាឧបាសិកាពុទ្ធសាសនូបត្ថម្ភក៍ គិត សុខលី ព្រមទាំងកូនចៅ
- ឧបាសក វ៉ូ វណ្ណា ឧបាសិកា លាង ស្រី ព្រមទាំងបុត្រ
- ឧបាសក តេង សារិទ្ធ ឧបាសិកា ជា ចន្ថា ព្រមទាំងកូនចៅ
- ឧបាសក ហេង វុទ្ធី ឧបាសិកា កេត រ៉ាឌី ព្រមទាំងកូនចៅ
- ឧបាសក ថៃ ស៊ាង ឧបាសិកា ឆូវ ណារី ព្រមទាំងបុត្រ និងចៅ
- ឧបាសក យិន ង៉ិច ឧបាសិកា ឆាយ គីម ព្រមបុត្រ និងចៅ
- ឧបាសិកា គិត សុខលី និងស្វាមី ព្រមទាំងកូនចៅ
នៅក្នុងបិដកភាគ ២៤ទំព័រ ៣៣ សម្តែងអំពីការបំពេញធម៌មានសេចក្តីជាអាទិ៍ថា៖
បពិត្រព្រះគោតមដ៏ចំរើន ប្រសិនបើ ពួកភិក្ខុ ពួកភិក្ខុនី បានបំពេញ (ធម៌) តែពួកគ្រហស្ថ ជាឧបាសក ស្លៀកដណ្តប់ស ជាសព្រហ្មចារីបុគ្គល មិនបានបំពេញ(ធម៌) កាលបើយ៉ាងនេះ ព្រហ្មចរិយធម៌នេះ នឹងមិនបានបរិបូណ៌ដោយអង្គ លុះតែព្រះគោតមដ៏ចំរើន បានបំពេញធម៌ ពួកភិក្ខុ ពួកភិក្ខុនី ក៏បានបំពេញ ទាំងពួកគ្រហស្ថ ជាឧបាសកស្លៀកដណ្តប់ស ជាសព្រហ្មចារីបុគ្គល ក៏បានបំពេញ កាលបើយ៉ាងនេះ ព្រហ្មចរិយធម៌នេះ ទើបបរិបូណ៌ ។
ដោយតេជៈនៃការប្រគេន-ជូនភេសជ្ជទាន ដ៏ប្រណីតប្រពៃថ្លៃថ្លានេះ ដល់សិក្ខាកាមយោគាវចរបដិបត្តិធុតង្គ មានចំនួន ៨៦០ អង្គ/នាក់ (ព្រះសង្ឃ ១៨៥ អង្គ គ្រហស្ថ ៦៧៥ នាក់) សូមឲ្យព្រះសទ្ធម្មតាំងនៅអស់កាលដ៏យូរ និងសូមឲ្យសព្វសត្វបានរួចចាកវដ្តទុក្ខ អវសានជាតិ សូមបានសម្រេចនូវព្រះនិព្វាន ។ សូមអនុមោទនា !
